大家好,我係iDeal Shop負責人肥老闆. iDeal Shop 開左都已經有超過10年喇,如果呢一刻你睇到呢個"文章",恭喜你,因為你可以睇到我慢慢分享關於iDeal Shop既大小事,都多謝你花時間睇我打呢段文字.

作為香港人,一直會有打不死既精神,一路以黎,我地開舖都有幾個宗旨,就要要客人買得開心,服務一定要做到最好,同埋絕對唔可以呃人! 呢個唔單只係服務宗旨,都係我個人既宗旨. 同其他舖比,可能我地既服務唔係最好,不過我地真係可以做到幾多就幾多,一定盡我地能力去做. 

呢十年入面,經歷過好多大大細細既事,都真係可以寫好長好長既故事出黎,衣家就當係一個開場,簡單介紹一下,之後我再慢慢同大家詳細分享一下啦!

 

iDeal Shop 的開始
iDeal Shop 成立於2010年

 

2022年10月22日 星期六 

今年既生意比上年差 1/3,原因係咩?我地都好想知,但感覺上,同香港少左好多人都有關。年年出新iPhone都會有批客黎貼 Xone 防爆貼,但今年,好多都話最後一次黎喇,唔同呢個政府玩,玩唔住喇。。。。。
呢幾年間,當然係失望同唔開心多,走下一個走下又一個,走得快好世界嘛,重有好多人走唔到架,只要覺得自己決定係岩既就去做啦!自由好可貴,今日已經唔可以講想講既說話,唔好up得出就up,因為後果永遠唔係你想像咁架!

今年出左iPhone 14系列,其實功能上唔係話同13好大分別,係影相方面靚左,但最重要係-紫色!出左個好多人都鍾意既紫色,相關紫色產品都賣得唔錯,包括Case/鏡頭貼。我自己都係鍾意紫色,所以都第一次用上Pro系列既機,唔知睇到呢段文章既你,又用緊乜野機呢?

黎到我地旺角門市,當然會發現有大量軒仔應援啦!暫時黎講,軒仔帶俾我地好大動力,因為生活係呢個香港實在無乜快樂,呢幾年真係好唔開心,好在多得軒仔,我地可以有個精神寄托,做人可以有點快樂,已經好滿足,多謝軒仔!我地既應援物,大部份都係軒仔fans所送,我地係唔會賣應援架,如果想拎有軒仔既應援,就要去ig搵軒仔既fans喇!